កំហុសក្នុងការថែទាំរថយន្ត៖ តើអ្នកបានធ្វើខុសច្រើនដងពេកឬ?

មានរថយន្តគឺជារឿងដ៏អស្ចារ្យដោយឥតសង្ស័យ ហើយមានអត្ថប្រយោជន៍ជាច្រើនដែលយើងទទួលបានពីការប្រើប្រាស់រថយន្ដ។ ទោះជាយ៉ាងណាក៏ដោយ នៅពេលនិយាយអំពីការថែទាំរថយន្តជាទូទៅ មនុស្សជាច្រើនដូចជាធ្វើវាលើសបន្តិច ហើយនេះហើយអាចនាំឱ្យមានបញ្ហាដែលមិនបានគិតទុកមុន។ វាអាចធ្វើអោយអ្នកខកចិត្តក្នុងការស្វែងរកប្រភពនៃបញ្ហារថយន្តរបស់អ្នក ជាពិសេសនៅពេលដែលអ្នកត្រូវការរថយន្តរបស់អ្នកខ្លាំងបំផុត។ ដើម្បីជៀសវាងពីស្ថានភាពបែបនេះ នេះជាគន្លឹះថែទាំទូទៅមួយចំនួនដែលអ្នកគួរជៀសវាងកុំធ្វើវាជាដាច់ខាត។

ឧទាហរណ៍ដំបូង និយាយអំពីការប្រើផលិតផល "សម្អាតប្រព័ន្ធប្រេងឥន្ធនៈ" ។ សារធាតុបន្ថែមទាំងនេះនឹងមិនអាចសម្អាតប្រព័ន្ធប្រេងឥន្ធនៈចាស់ និងកខ្វក់បានទេ។ វាមានសមត្ថភាពក្នុងការរក្សាប្រព័ន្ធរបស់អ្នកឱ្យស្អាត និងបន្តកំចាត់កំទិចកំទី ដោយកំចាត់ពួកវាមិនឱ្យបង្កើតនៅលើធុងឥន្ធនៈ និងនៅខាងក្នុងបន្ទាត់ប្រេងឥន្ធនៈ។ បញ្ហាជាមួយនឹងការលាងសម្អាតប៊ិចប្រេងឥន្ទនៈអាចមានពីរប្រភេទ៖

• ការលាងសម្អាតប៊ិចប្រេងអោយបានស្អាតល្អ ទាមទារសារធាតុគីមីខ្លាំងជាងអ្វីដែលគេលក់ស្របច្បាប់នៅលើទីផ្សារសម្រាប់ប្រើប្រាស់ជាមួយយានយន្តដែលគ្រប់គ្រងការបំភាយផ្សែងពុលយានយន្ត។
• កំទិចកំទីដែលជាប់ខ្លាំងត្រូវតែលាងសម្អាតវាដោយបង្ខំ ហើយលើសពីនេះទៅទៀតទោះបីប្រព័ន្ធប្រេងឥន្ធនៈរបស់ម៉ាស៊ីនអាចនៅធ្វើការបាន 100% ក៏ដោយ។

ករណីរថយន្តចាស់ ដែលមិនធ្លាប់បានសម្អាតប្រព័ន្ធប្រេងឥន្ធនៈ សារធាតុបន្ថែមប្រភេទនេះដែលបន្ថែមទៅក្នុងឥន្ធនៈនឹងអាចបង្កគ្រោះថ្នាក់ច្រើនជាងផលល្អ។ នេះក៏ដោយសារតែសារធាតុបន្ថែមនឹងធ្វើការងាររបស់វា និងរំលាយភាពកខ្វក់ទាំងអស់នៅក្នុងប្រព័ន្ធប្រេងឥន្ធនៈ ប៉ុន្តែដោយសារវាជារថយន្តចាស់ វានឹងមានចំនួនច្រើន។ កំទិចកំទីតូចៗនឹងធ្វើអោយស្ទះបូមប្រេងឥន្ធនៈ ស្ទះប៊ិចម៉ាស៊ីន ធ្វើឱ្យរថយន្តរបស់អ្នកមិនដំណើរការ ឬដំណើរការយឺតខ្លាំង។

កំហុសទូទៅមួយទៀតដែលត្រូវបានកត់សម្គាល់ក្នុងចំណោមម្ចាស់រថយន្តគឺការលាងរថយន្តញឹកញាប់ពេក ហើយភាគច្រើនលាងរថយន្តដោយប្រព័ន្ធស្វ័យប្រវត្តិ។ ស្នាមតូចៗដែលបណ្តាលមកពីជក់លាងសម្អាតទាំងនោះ ដែលលាងរថយន្តរាប់សិបគ្រឿងជារៀងរាល់ថ្ងៃ ត្រូវបានគេយកទៅកោសលើថ្នាំលាបរថយន្តរបស់អ្នក រាល់ពេលដែលយកវាទៅក្នុង “tunnel” លាងសម្អាតរថយន្ត។ ការលាងរថយន្តរបស់អ្នកញឹកញាប់ពេកនាំអោយមានស្នាមហើប និងស្នាមប្រេះដែលជៀសមិនរួចនៅក្នុងថ្នាំលាបរបស់អ្នក ដោយសារតែដំណើរការស្ងួត និងដោយសារតែការប្រើប្រាស់ឧបករណ៍មិនគ្រប់គ្រាន់ ដែលបញ្ហាដ៏ធំបំផុតក្នុងករណីនេះ គឺការលាងរថយន្តដោយស្វ័យប្រវត្តិ។ ដើម្បីទទួលបានការថែទាំល្អបំផុត វាជាការល្អបំផុតក្នុងការលាងសម្អាតរថយន្តដោយខ្លួនឯងដោយប្រើវិធី Two Bucket Method (លាង និងលាងជម្រះ)។

ជាចុងក្រោយ អ្វីដែលសំខាន់ គួរជៀសវាងការប្រើប្រាស់ប្រេងឥន្ធនៈគ្មានគុណភាព។ ឥន្ធនៈគ្មានគុណភាព អាចនាំឱ្យមានការបំផ្ទុះ។ ការបំផ្ទុះ (ហៅម្យ៉ាងទៀតថា “បែកផ្កាភ្លើង) គឺជាទម្រង់នៃការឆេះដែលអាចបណ្តាលឱ្យខូចខាតដល់ម៉ាស៊ីន និងទ្រនាប់ក្បាលស៊ីឡាំងលែងដំណើរការ។ វាកើតឡើងនៅពេលដែលមានកំដៅ និងសម្ពាធខ្លាំងពេកនៅក្នុងបន្ទប់ចំហេះ ដែលបណ្តាលឱ្យល្បាយខ្យល់/ឥន្ធនៈ ឆេះដោយស្វ័យប្រវត្តិ។ ប្រសិនបើអ្នកមិនដឹងពិតប្រាកដអំពីប្រេងឥន្ធនៈទេ យកល្អគួរតែប្រើ Octane Booster ដើម្បីជៀសវាងបញ្ហា។

រថយន្តរបស់អ្នក គឺដូចជាការវិនិយោគមួយអ៊ីចឹង មិនត្រឹមតែជាផ្នែកហិរញ្ញវត្ថុប៉ុណ្ណោះទេ ប៉ុន្តែវាក៏ផ្នែកសុវត្ថិភាពរបស់អ្នកផងដែរ។ ការរក្សាវាឱ្យស្ថិតក្នុងស្ថានភាពល្អបំផុត គឺជារឿងចាំបាច់ ប៉ុន្តែការមើលថែវាហួសហេតុពេកអាចបង្កបញ្ហាច្រើនជាងផលល្អ។ សង្ឃឹមថាគន្លឹះដែលបានណែនាំខាងលើនឹងជួយអ្នកជៀសវាងការធ្វើសកម្មភាពបែបនេះច្រើនពេក។